Tsy ho lany andro, reraka mivezivezy na hatahotra hiditra biraom-panjakana intsony ny mponina rehefa hikarakara taratasy satria ny Ivotoro dia hampahafantatra mialoha ireo antanatohatra arahina, ny taratasy ilaina sy ny sarany marina amin’ny fikarakarana taratasim-panjakana.

Ny tsy fahalalana no mitondra mankany amin’ny kolikoly, koa napetraka ny Ivotoro mba hisian’ny mangarahara sy hanatrarana ny velirano fahatelo dia ny famongorana ny kolikoly.