Nivoitra nandritra ny filan-kevitry ny Minisitra ary ampiharina amin'ny faritra 3 : ny Fahamailona ara-pahasalamana

Faritra : Analamanga, Vakinankaratra, Matsiatra Ambony

Ho fanapahana ny rohi-pifindran’ny valanaretina dia hamafisina ny fampiaharana ireo fihetsika sakana na « geste barrière » efa mahazatra teo aloha toy ny : tsy maintsy atao

Fametahana aro-vava orona

Fanasana tanana amin’ny rano sy savony na gèl désinfectant,

Fanajana ny elanelana 1 metatra,

Tsy azo atao ny mamory olona mihoatra ny 100 anaty efitra mihiboka,

Averina ny laharana maintso 914

Lamina eny amin’ny toeram-pitsaboana :

Hisy ny test diagnostic antigène (TDR) eny amin’ny CSB-II

Ho zaraina maimam-poana ny fanafody entina mitsabo ho an’ireo « tester positif » miaraka amin’ny CVOplus

Hisy fizarana ny CVO eny amin’ny faritra izay ahitana fiakaran’ny tranga Covid-19. Tsy atery ny fihinana azy. Ampitomboina ny toerana fanaovana vaksiny.

Aterina isam-baravarana ny « attestation de positivé » ho an’ireo olona positif amin’ny Covid19 miaraka amin’ny fanafody hitsaboana.

Maimaim-poana ny fitiliana ho an’ireo olona mahatsapa fa misy soritr’aretina.

Mila mitandrina sy mailo hatrany isika rehetra