ADY AMIN'NY COVID-19 - Ireo fepetra mihatra manomboka rahampitso Alahady 04 aprily 2021 ary mandritra ny 15 andro manaraka, izay nambaran' Andriamatoa Filohan'ny Repoblika, Andry RAJOELINA nandritra ny lahateniny:
Fianarana : Mikatona mandritra ny 15 andro ireo sekoly rehetra sy ny anjerimanontolo.
Ao anaty hamehana ara-pahasalamana isika, noho izany dia mikatona tanteraka ny faritra Analamanga, Atsinanana, Sava. Mbola mitohy hatrany ny fikatonan’ny faritra Boeny sy Nosy Be.
Mihatra ny "couvre feu" amin'ireo faritra vaotonona etsy ambony manomboka amin'ny Alatsinainy 05 aprily 2021. Tsy azo ivezivezena amin’ny 09ora alina ka hatramin'ny 4ora maraina manomboka amin'io daty io.
Misokatra andro aman'alina ny farmasia rehetra amin’ny Faritra Analamanga, Atsinanana, Boeny Sava, Nosy-Be. Omena alalana ny farmasia hivarotra ireo fanafody voafaritra ao anaty « protocole de traitement ».
Misy ny pejy facebook
Centre de Traitement Covid-19
izay misy mpitsabo miasa andro aman'alina ahafahana maka torohevitra sy toromarika mikasika ny fitsaboana ny marary.
Misy ny laharana antso an-taroby 914 izay iantsoana ny "BIS" ahafahana mamonjy ireo olona mararin'ny covid-19 sy maka ireo toromarika ara-pahasalamana.
Maimaimpoana ny Fitsaboana sy ny fanafody itsahina ny aretina covid-19 manerana ny Tobimpahasalamana miankina amin'ny Fanjakana manerana ny Nosy (Hôpitaly, CTC-19, CSB II). Fandaminana: CSB II no mandray ny "forme légère", CTC-19 ho an'ny "forme modérée" ary ny Hôpitaly no miandraikitra ny "forme grave". Hosokafana ny Alarobia 07 aprily 2021 ny CTC 19 ao amin'ny Lycée technique Alarobia. Hiampy 800 ny isan'ny bouteille d'oxygène haparitaka eny amin'ny hopitaly lehibe. Vaksiny: Miroso amin'ny fandraisana anjara amin'ny "programme Covax" i Madagasikara.
Mitohy aloha ny asa andavan'andro ho an'ny rehetra.
Mbola afaka misokatra ny toeram-pisakafoanana fa mihena ho atsasany ny olona azon’izy ireo raisina misakafo. Ny bar, ny toeram-pandihizana, ny Karaoke dia mikatona avokoa.
Ho an'ireo matin' ny Covid 19 dia tanterahina ny androtr'iny ihany ny fandevenana, ka olona 10 ihany no mahazo manatrika. Mikatona ny zotra nasionaly mivoaka amin'ny faritra voalaza etsy ambony. Omena alalàna hody kosa ireo olona mbola tavela any amin'ny faritra. Tsy mbola azo atao ny mampiasa ny "seza volamena" any anaty taxi-be. Mbola mikatona ny sidina avy any ivelany mankao Nosy Be. Voarara ny fidiran'ny sambo mpitatitra olona Apetraka amin'ny andraikitry ny mpitondra fivavahana ny fanarahana ireo fepetra ara-pahasalamana. Ferana tsy mihoatra ny 100 ny olona any amin'ny toeram-pivavahana.
Voasazy hanao asa iombonana izay rehetra tratra tsy manaja ireo fepetra fototra.(mandoko sekoly na hopitaly...) Tsy asiana mpijery, ary tsy maintsy atao an-kalamanjana ny fifaninanana ara-panatanjahatena.
